Convocatoria de axudas a grupos de investigación do Campus de Ourense. INOU 2025

Esta convocatoria, ten por obxectivo a concesión de axudas a grupos de investigación do Campus de Ourense, no marco do financiamento do convenio que a Universidade de Vigo asina anualmente coa Deputación Provincial de Ourense.

As axudas financian proxectos de interese para a Universidade de Vigo e a Deputación de Ourense, apoiando as investigacións que contribúan ao desenvolvemento social e económico da provincia de Ourense e ao coñecemento da súa realidade.

Poderá beneficiarse destas axudas o persoal investigador que forme parte dun grupo de investigación da Universidade de Vigo, tendo que desenvolver o seu labor investigador en instalacións do Campus de Ourense.

A cantidade coa que se financia esta convocatoria é de 59.000€.

Pódese descargar a Convocatoria, a Solicitude e os Criterios de produción investigadora nesta ligazón da Secretaría da UVigo.