O título nace para ocupar un lugar destacado na oferta de formación posgraduada do Campus Auga. Este campus, especializado como o seu nome indica en todos os aspectos nos que a auga ten protagonismo, oferta este curso para dar resposta académica á demanda dos alumnos e alumnas egresadas e dos profesionais do sector.
Perfil do programa de estudos
O turismo de saúde é un sector de alta rendabilidade e que actualmente se estende cada vez máis, o que está a demandar profesionais capacitados para o desenvolvemento de actividades nas que se procura experiencias persoais orientadas a mellorar o benestar, e elevar a calidade de vida dos usuarios.
Ámbito profesional
As persoas especialistas en Termalismo e Spa estarán capacitadas para prestar servizos diferenciados en estancias termais e en SPAs, así como para desenvolver un perfil específico na promoción de liñas de investigación vencelladas coa salutogenesis pola auga.
Modalidade de estudo
- Mixta (presencial e virtual)
- Duración: 360 horas.
- Docencia teórica virtual: 180 horas
- Traballo fin de especialización: 90 horas
- Prácticas en empresa: 90 horas
Centros colaboradores de prácticas:
- Escola de Enfermaría de Ourense (Sergas)
- BeOne Ourense
- Fundación Neuroburgas
- Balneario Baños de Molgas
- Balneario de Cortegada
- Termas de Outariz
- Termas de Prexigueiro
- Talaso Atlántico
Perfil de ingreso
- Persoas graduadas universitarias interesadas en obter unha capacitación especializada en termalismo e hidroterapia
- Profesionais directamente relacionados coa especialidade do título que reúnan os requisitos legais para cursar estudos universitarios e que acrediten un mínimo de 3 anos de experiencia profesional